top of page

COMAR

Kesyon ou ka ap poze

🟦 Ki sa COMAR fè?

COMAR (Comisión Mexicana de Ayuda a Refugiados) se enstitisyon ki resevwa demann azil ou.

Nan COMAR ou kapab:

  • Fè demann refijye ou

  • Ranpli fòmilè yo

  • Jwenn yon nimewo ka (expediente)

  • Swiv pwosesis ou jiskaske ou resevwa repons

Sa pou pote:

  • Yon dokiman idantite (si ou genyen)

  • Paspo (si ou genyen)

  • Yon nimewo telefòn ki mache

  • Adrès kote ou kapab resevwa mesaj

  • 🟨 Ki dokiman ou ka jwenn nan pwosesis la?

  • 1️⃣ Constancia de Solicitud de Refugio (Prèv Demand Azil) Sa nou rele Pwotokol la 

  • Se premye papye yo ba ou lè ou fè demann nan COMAR.

  • 2️⃣ Pèmi travay

  • Apre 45 jou nan pwosesis azil la, ou ka mande yon pèmi travay. Men nan ka isit Tapachula sa preske enposib

  • 3️⃣ CURP tanporè

  • Lè ou gen prèv COMAR la, yo ka ba ou yon CURP ki mache pou travay, lopital, lekòl, elatriye.

  • 🔵 Ki sa ou pa dwe fè?

  • ✖️ Pa deplase soti nata kote ou fè demann COMAR la san pèmisyon
    ✖️ Pa itilize dokiman ki fo
    ✖️ Pa peye moun ki pwomèt ou "papye rapid"
    ✖️ Pa siyen dokiman ou pa konprann

  • 🟩 6. Konsèy enpòtan pou pwosedi ou a

  • ✔️ Kenbe foto tout papye ou yo nan telefòn ou
    ✔️ Chanje nimewo telefòn ou nan COMAR si ou pèdi li
    ✔️ Prezante tèt ou lè yo rele w pou entèvyou
    ✔️ Poze kesyon si ou pa konprann
    ✔️ Vizite sit ofisyèl yo pou verifye enfòmasyon.

1. Mwen fenk rive nan Meksik, premye bagay mwen dwe fè se kisa?

Premye bagay ou dwe fè se ale nan COMAR pou mande pwoteksyon entènasyonal (azil). Pa deplase twòp nan vil la san papye legal.

2. Ki diferans ant COMAR ak INM?

  • COMAR → kote ou mande azil / pwoteksyon.

  • INM → migrasyon ki kontwole antre-soti moun ak dokiman legal yo.

Yo pa fè menm travay.

3. Eske mwen ka deplase soti nan eta kote mwen fè demann COMAR la?

Non. Ou pa dwe kite eta kote ou fè demann azil la san pèmisyon ofisyèl.
Si ou deplase, yo ka fèmen dosye w la.

4. Konbyen tan pwosesis COMAR la dire?

Pou anpil moun, pwosesis la dire 45–90 jou, men pafwa li ka pi long.
Gen entèvyou ak verifikasyon selon ka chak moun.

5. Ki papye mwen resevwa apre mwen fè demann azil la?

Ou resevwa:
✔️ Prèv Demand Azil (Constancia)
✔️ CURP tanporè
✔️ Apre 45 jou → ou ka mande pèmi travay

6. Èske mwen bezwen yon avoka pou pwosesis COMAR la?

Non. Pwosesis la gratis e ou pa bezwen peye avoka.
Si ou vle asistans legal, gen òganizasyon ki ede gratis.

7. Kisa mwen dwe pote COMAR?

  • Yon dokiman idantite (si ou genyen)

  • Paspo (si ou genyen)

  • Nimewo telefòn ki mache

  • Adrès kote ou kapab resevwa mesaj akoz COMAR ap kontakte w pa telefoon oswa WhatsApp

​

8. Kisa k rive si mwen pèdi nimewo telefòn mwen?

Ou dwe ale rapid nan COMAR pou mete yon nouvo nimewo nan sistèm yo.
Si yo pa ka kontakte w, dosye w la kapab rete bloké.

9. Èske mwen ka travay pandan mwen nan pwosesis la?

Wi. Apre 45 jou, ou ka ale nan INM pou mande yon pèmi travay.
Ou bezwen Prèv Demand Azil + foto + kèk dokiman senp.

10. Èske mwen ka vwayaje nan lòt vil oswa lòt eta pandan pwosesis la?

Non. Ou dwe rete nan eta kote ou ouvri pwosesis la.
Si ou bezwen deplase pou yon rezon serye (maladi, fanmi), ou dwe mande otorizasyon ofisyèl.

11. Eske mwen dwe peye pou gen papye?

Pa janm peye pèsonn!
Tout pwosesis COMAR ak INM ofisyèl yo gratis.
Moun ki mande lajan yo se fòmasyon oswa koripsyon.
Denonse yo si ou kapab.

12. Ki sa mwen dwe evite pou mwen pa mete pwosesis mwen an danje?

Evite:
✖️ Fè deklarasyon fo
✖️ Itilize papye fo
✖️ Kite eta kote pwosesis la ye
✖️ Rate randevou COMAR yo
✖️ Chanje nimewo telefòn san enfòme yo

13. E si yo rejte demann azil mwen an?

Ou gen dwa fè rekou epi mande COMAR re-evalue ka w la.
Ou ka chèche asistans nan òganizasyon legal ki gratis.

Ou ka retounen nan paj akey la 

Ou gentan Jwenn rezilta COMAR ou ki pozitif ou vle konnen kisa ou dwe fe kounyea enbyen klike nan bouton anba

bottom of page