Visa de Residente Temporal Estudiante se dokiman ofisyèl pou etranje ki vle viv ak etidye nan Meksik pou yon peryòd ki depase 180 jou — pou lekòl, inivèsite, kou teknik, elatriye.
Avèk viza sa a ou gen dwa rete legalman pandan peryòd etid ou, epi ou ka fè demach pou kat rezidans tanporè kòm etidyan.

🧾 Ki dokiman ak kondisyon ou bezwen pou mande viza etidyan

Lè w ale nan konsila Meksik nan peyi w oswa peyi w rete kounye a, ou dwe pote dokiman sa yo (orijinal + kopi):

• Paspò ki valab (omwen 6 mwa nan dat antre a)

• Fotokopi paj enfòmasyon nan paspò a

• Foto paspò: foto koulè, fon blan, figi devan, san linèt — dimansyon selon konsila a.

• Lèt akseptasyon (original) soti nan yon enstitisyon edikatif nan Meksik (inivèsite, lekòl, kou) — ki montre non w, nivo etid, kou a, dire a, ak dat. sa vledi fok gen yon lekol meksik ki deja aksepte ou

• Prèv ke ou kapab sipòte ou pandan estid ou (si pa gen bous) — ka mande prèv finans, ekonomi, oswa bous. 

• Si ou se timoun (mwens a 18 an), dwe gen otorizasyon legal de paran oswa moun ki responsab ou (si konsila a egzije l)

📍 Ki kote ak kijan pou kòmanse pwosesis la

1. Kontakte konsila Meksik ki pi pre kote ou ye ― nan peyi w ayiti oswa nan peyi kote w kounye a. 

2. Telechaje fòmilè demann viza a oswa mande l nan konsila. pou Ranpli li 👉 klike la pou we fòmilè a

3. Randevou: ou dwe prezan lè w vle depoze dokiman yo — pa ka voye pa lapòs oswa yon lòt moun se ou ki dwe ale fizikman.

4. Peye frè konsila a li anviron 55 dola ameriken (si konsila ki egzije li). 

5. Apre yo apwouve viza a, yo mete li nan paspò ou — viza sa a se pou antre yon sèl fwa, ak validite dapre etid ou a.

🔹 Si estid ou ap dire plis pase 180 jou, ou ap bezwen fè chanjman viza → kat rezidans tanporè etidyan lè ou rive nan Meksik, nan biwo ofisyèl imigrasyon yo.

⏳ Ki sa ou dwe konnen sou dire ak limit viza a

• Viza etidyan yo bay pou plis pase 180 jou si aplikasyon an ak tout dokiman nan lòd.

• Apre ou antre, ou dwe chanje viza a pou yon kat rezidans tanporè pou legalize rete w kòm etidyan.

✅ Rekòmandasyon enpòtan pou Ayisyen ki vle mande viza etidyan

• Fè demann lan bonè — konsila yo konn pran tan pou verifye dokiman.

• Asire ke lèt akseptasyon enstitisyon an orijinal (se pa kopi oswa PDF).

• Kenbe kopi tout dokiman (paspò, foto, lèt, prèv finans) an orijinal + kopi.

• Si w pa konprann lang lan, mande tradiksyon oswa èd — konsila ka egzije dokiman nan lang Panyòl oswa angle.

• Evite “ajans ki di yo ka few jwenn viza” si yo mande lajan davans — viza pa vann, li se yon pwosesis gratis.